Myanmar House Logo

Myanmar House

မြန်မာ့ အိမ်ခြံမြေများ

Myanmar House Logo

ကိတ္တိမ မွေးစားစာချုပ် ချုပ်ဆိုမယ်ဆိုလျှင်

February 15, 2023 774 views
ကိတ္တိမ မွေးစားစာချုပ် ချုပ်ဆိုမယ်ဆိုလျှင်

ကိတ္တိမ မွေးစားစာချုပ် ချုပ်ဆိုမယ်ဆိုလျှင်

      မြန်မာ့ဓလေ့ထုံးတမ်းဥပဒေအရ သားသမီးမွေးစားခြင်းသုံးမျိုးရှိပါတယ်။
(၁)။ကိတ်တိမ
(၂)။အပတိဌ
(၃)။ဆာတဘတ်ထ

       ကိတ္တိမဆိုတာ အမွေခံသားအဖြစ်အထင်အရှားမွေးတဲ့သား လို့ရှေးဟောင်းဓမ္မသတ်တွေမှာဖော်ပြထားပါတယ်။၁၉၄၁ခုနှစ်၊ဧပြီလ(၁)ရက်နေ့မတိုင်မီကစာချုပ်မချုပ်ဘဲကိတ္တိမသားသမီးမွေးစားခြင်းအက်ဥပဒေအရ၁၉၄၁ခုနှစ်၊ဧပြီလ(၁)ရက်နေ့နောက်ပိုင်းမွေးစားတဲ့ကိတ္တိမသားတွေကိုမှတ်ပုံတင်စာချုပ် ချုပ်ပြီးမှမွေးရပါမယ်။ဒါမှတရား၀င်မှာဖြစ်ပါတယ်။
  အကယ်၍စာချုပ်မချုပ်ဘဲမွေးစားရင်ဖြစ်ဖြစ်၊မွေးစားစာချုပ် ချုပ်ပေမယ့် မှတ်ပုံမတင်ထားရင်ဖြစ်ဖြစ် ကိတ္တိမအခွင့်အရေးရမှာမဟုတ်ပါဘူး။အပတိဌအခွင့်အရေးသာရမှာဖြစ်ပါတယ်။

ကိတ္တိမသားသမီးနှင့်သားသမီးအရင်းကွာခြားမှု

(က) ကိတ္တိမ မွေးစားသားသမီးတွေဟာဘယ်အကြောင်းနဲ့မှသြရသအဖြစ်မရနိုင်ပါ။

(ခ)မွေးစားတဲ့မိဘတွေအနေနဲ့ဗုဒ္ဓဘာသာကိုစွန့်ပြီးခရစ်ယာန်ဘာသာ(ဒါမှမဟုတ်)သားသမီးမွေးစားတာကိုအသိအမှတ်မပြုတဲ့အခြားဘာသာကိုကူးပြောင်းရင်ကိတ္တိမ မွေးစားသားသမီးတွေရဲ့အမွေ ခံစားခွင့်ဆုံးရှုံးပါမယ်။

(ဂ)မွေးစားတဲ့မိဘတွေဟာသူတို့ရဲ့မိဘထံမှအမွေဆက်ခံခွင့်ရှိပေမယ့်ပစ္စည်းလက်ရောက်မရသေးမီသေဆုံးရင်ကိတ္တိမ သားသမီးတွေဟာအမွေပစ္စည်းရဲ့တစ်၀က်ကိုသာရခွင့်ရှိပါတယ်။ကျန်တစ်၀တ်ကိုတော့မွေးစားမိဘတွေရဲ့သားချင်းတွေကရပါတယ်။

ကိတ္တိမ သားသမီးအဖြစ်မှပယ်ဖျက်ခြင်း
   
     ကိတ္တိမအဖြစ်မွေးစားထားပြီးဖြစ်တဲ့မွေးစားမိဘတွေအနေနဲ့မွေးစားခြင်းကိုသူတို့ရဲ့ဆန္ဒတစ်ခုတည်းနဲ့မပယ်ဖျက်နိုင်ပါ။မွေးစားသားသမီးရဲ့သဘောတူညီချက်မရဘဲမွေးစားခြင်းကိုမပယ်ဖျက်နိုင်ဆိုတဲ့သဘောပါ။
      မွေးစားသား ရဟန်းဘောင်၀င်သွားရင်မွေးစားခြင်းပျက်ပြယ်ပါတယ်။ရဟန်းပြုသူလူထွက်က ထပ်မံမွေးစားနိုင်ပါတယ်။ထပ်မံမွေးစားတာမျိုးမလုပ်ရင် မွေးစားသားသမီးအဖြစ်ပြန်မရပါ။
           မိရင်း ဘရင်း တွေအနေနဲ့ မွေးစားတဲ့ကလေး အရွယ်မရောက်မီပြန်ခေါ်ယူခွင့်ရှိပါတယ်။မွေးစားတဲ့မိဘတွေအနေနဲ့မွေးစားတဲ့သားသမီးရဲ့မိရင်း ဖရင်းနည်းတူ သူတစ်ပါးကိုမွေးစားဖို့ ထပ်ဆင့်ပေးနိုင်ပါတယ်။
    
 ကိတ္တိမ မွေးစားစာချုပ်ဆိုင်ရာမှတ်စု

၁။အသက်၁၈နှစ်ပြည့်ပြီးသူတွေကသာမွေးစားနိုင်ပါတယ်။
၂။မွေးစားသူအိမ်ထောင်ရှိသူဖြစ်လျှင်အိမ်ထောင်ဘက်၏သဘောတူညီမှုလိုအပ်ပါတယ်။
၃။မွေးစားခြင်းခံရတဲ့သူဟာအရွယ်မရောက်သေးသူဖြစ်လျှင်သူ့ရဲ့မိဘတွေ ဒါမှမဟုတ် အုပ်ထိန်းသူတွေက သဘောတူတဲ့အကြောင်းပါ၀င်လက်မှတ်ရေးထိုးပေးရပါမယ်။
၄။မွေးစားခြင်းခံရသူအရွယ်ရောက်ပြီးဖြစ်လျှင်မွေးစားတာကိုလက်ခံသဘောတူတဲ့အကြောင်းကိုယ်တုင်ပါ၀င်လက်မှတ်ရေးထိုးရပါမယ်။
၅။မွေးစားတဲ့သူနဲ့မွေးစားခြင်းခံရသူတွေဟာဗုဒ္ဓဘာသာ၀င်တွေဖြစ်ဖို့လိုအပ်ပါတယ်။
၆။မွေးစားခြင်းမှာအမွေစားအမွေခံအဖြစ်မွေးစားကြောင်းပေါ်လွင်ဖို့လိုပါတယ်။
၇။မှေးစားစာခြုပျကို တံဆိပ်တော်ခေါင်းအက်ဥပဒေဇယား(၁)အပိုဒ်(၃)အရချုပ်ဆိုရပါမယ်။
၈။စာချုပ်ကိုရေစစ္စရီ မှတ်ပုံတင်ပြုလုပ်ရပါမယ်။

Related Posts