ကွန်ပျူတာတွေ ပိုမြန်ဖို့ Hard Disk Drives ( HDDs ) နဲ့ Solid-State Drives ( SSDs ) ဘယ်ဟာသုံးမလဲ?

ကွန်ပျူတာတွေ ပိုမြန်ဖို့ Hard Disk Drives ( HDDs ) နဲ့ Solid-State Drives ( SSDs ) ဘယ်ဟာသုံးမလဲ?

✅Price

GB တူညီတဲ့ SSD တစ်လုံးနဲ့ HDD တစ်လုံး ယှဉ်ရင်တော့ SSD က ဈေးနှစ်ဆလောက်များနေပါတယ်။ SSD ကပိုမြန်ပေမဲ့လည်းဈေးနှုန်းက ကိုယ်နဲ့အဆင်ပြေမပြေရှိသေးပါတယ်။ နောက်ပိုင်းထုတ်လုပ်တဲ့ Laptop တွေမှာ SSD နဲ့ပါလာတာများပါတယ်။

✅Data Transfer Rate

HDD မှာ တစ်စက္ကန့်အတွင်းမှာ 200 MB နဲ့ အောက်သာရေး/ဖတ် နိုင်ပြီး SSD မှာကတော့ 200 MB ကနေ 2500 MBအထိ ရေးဖတ်နိုင်ပါတယ်။ File တွေကို ကူးတဲ့အခါမှာ SSD က ၂၅ ဆ လောက် ပိုမြန်ပါတယ်။

✅Access Time

အချက်အလက်တွေ သိုလှောင် ထည့်သွင်းတဲ့နေရာမှာ ချက်ချင်း လုပ်ဆောင်တယ်လို့ ထင်ရပေမဲ့ သူတို့မှာ အလုပ်စလုပ်ချိန် Access Time တစ်ခုတော့ယူပါတယ်။ အဲဒီမှာလည်း SSD တွေက Access Time တိုတောင်းပြီး 0.5 MSသာ အချိန်ယူပါတယ်။ HDD တွေကတော့ 5.5 ကနေ 8.0 MS အထိ အချိန်ယူတာမို့ SSD တွေက ပိုမြန်ပါတယ်။

✅Random I/O Performance

အချက်အလက် ထုတ်သွင်းနိုင်မှု အခြေအနေပါ။ SSD က 6000 IOPS မြန်နှုန်းရှိပြီး HDD ကတော့ 400 IOPS သာ ရှိတဲ့အတွက် SSD က ၁၅ ဆလောက် ပိုမြန်ပါတယ်။

✅ပါဝါ သုံးစွဲမှု

SSD က 2 Watt – 5 Watt ထိပဲ သုံးစွဲပြီး HDD ကတော့ 6 Watt – 15 Watt ရှိပါတယ်။ ဘာ့ကြောင့်လဲဆိုတော့ HDD က Motor မောင်းနှင်ရတာကြောင့် ပိုမိုစားသုံးတာ ဖြစ်ပါတယ်။ CPU ပါဝါသုံးစွဲမှုမှာလည်း SSD က ၆ ရာခိုင်နှုန်းလောက် ပိုမို သက်သာပါတယ်။

✅ဒေတာ ထိန်းသိမ်းနိုင်မှု

HDDတွေက စက်လှုပ်ရှားမှုအပိုင်းတွေပါပေမဲ့ သံလိုက်ဓာတ်နဲ့ သိမ်းတာမို့ DATA တွေကို သိုလှောင်ထားနိုင်တဲ့ ကာလပိုကြာကြာ သိမ်းထားနိုင်ပါတယ်။ SSD တွေမှာတော့ စက်လှုပ်ရှားမှု အစိတ်အပိုင်းတွေမပါဘဲ NAND Gate Semiconductor တွေထဲမှာ လျှပ်စစ် သိုလှောင်တဲ့ စနစ်နဲ့ သိမ်းထားတာဖြစ်လို့ အချိန်ကာလ တစ်ခုမှာတော့ သိမ်းဆည်းထားတဲ့ လျှပ်စစ်ဓာတ် ယိုစိမ့်ပျောက်ဆုံးပြီး DATAတွေ ပျက်စီးနိုင်တဲ့ အခွင့်အလမ်းရှိပါတယ်။ အချက်အလက်တွေကို နှစ်ပေါင်းများစွာ သိမ်းဆည်းထားချင်တာမျိုးဆိုရင်တော့ SSDတွေကိုမသုံးဘဲ HDD တွေကိုသာ သုံးသင့်ပါတယ်။

✅ယုံကြည်စိတ်ချရမှု

ဒေတာ ထုတ်/သွင်းချိန်မှာ HDD က Data ပျက်စီးနိုင်မှု ရာခိုင်နှုန်း ၂ မှ ၅ အထိ ရှိပြီး SSD ကတော့ ဝ.၅ သာ ရှိတဲ့အတွက် ပိုမို စိတ်ချရပါတယ်။ ကြာရှည်စွာ သိုလှောင်သိမ်းဆည်းမဲ့ဟာနဲ့တော့ မဆိုင်ဘူး။

✅အပူထုတ်လွှတ်မှု

HDD မှာ လည်ပတ်နေရတဲ့ အစိတ်အပိုင်းတွေ ပါသောကြောင့် အပူထွက်ပါတယ်။ ။ SSD မှာတော့အပူထုတ်လွှတ်မှု မရှိသလောက် နည်းပါးပါတယ်။

✅သိုလှောင်နိုင်စွမ်းရည်

HDD က Notebook တွေအတွက် 2TB နဲ့ Desktop တွေအတွက် 10 TB ထိ ရရှိနိုင်ပြီး SSD တွေမှာတော့ Notebook တွေအတွက် 1 TB နဲ့ Desktop တွေအတွက် 4 TB အထိပဲ ရနိုင်ပါတယ်။ နောက်ပိုင်းမှာတော့ များချင်များလာနိုင်ပါတယ်။

အနှစ်ချုပ်အနေနဲ့ SSD တွေက ပိုမြန်တယ်၊ ပိုပြီး ဒဏ်ခံနိုင်တယ်၊ အားသိပ်မစားဘူး၊ ဒါပေမဲ့ ဈေးကြီးတယ်၊ ဒေတာကို နှစ်ပေါင်းများစွာ သိမ်းချင်ရင်တော့ မကိုက်ဘူး။ SSD တပ်ထားတဲ့ စက်တွေကို ပါဝါမပိတ်မိဘဲ ကျောပိုးအိတ်ထဲမှာ ထည့်ပြီး ကားစီး/ဆိုင်ကယ်စီးတာ ဘာမှ ပြဿနာ မရှိနိုင်ပေမဲ့ HDD တပ်ထားတဲ့ စက်တွေကို အဲလို ပါဝါမပိတ်ဘဲ သယ်သွားရင်တော့ သိပ်မကြာခင်ပဲပျက်စီးသွားနိုင်ပါတယ်။

Credit to Original 
#SSD #harddisk #harddiskdrive #pc #computer #AG9 #it

Credit..photo

ပြန်လည်ကူးယူဖော်ပြပါသည်။