Myanmar House Logo

Myanmar House

Real Estate in Myanmar

Laptop battery ဆိုတာဘာလဲ ???🤓

March 23, 2023 247 views
 Laptop battery ဆိုတာဘာလဲ ???🤓

 Laptop battery ဆိုတာဘာလဲ ???🤓
==========
Laptop ဝယ်တဲ့အခါမှာ Customer အများစုမေးလေ့ရှိတာက အားဘယ်လောက်ခံလဲ ဆိုတာပါပဲ။ အဲ့ဒါကိုသိချင်တယ်ဆိုရင်တော့ သည် Post ကိုအဆုံးထိဖတ်ပေးဖို့လိုပါလိမ့်မယ်။
.
Laptop battery တွေမှာ ကျွန်တော်တို့ အများစု 3 cell battery ၊ 4 cell battery စသဖြင့်တွေ့ဖူးကြပါတယ်။ တခါတစ်လေမှာဆိုရင် laptop ထုတ်လုပ်သူများ အပေါ်မှာ မူတည်ပြီးတော့ 6 cell, 9 cell နဲ့ 12 cell အထိတောင် ရှိကြပါတယ်။
ဒီလိုဆိုရင် cell ဆိုတာဘာတွေလည်း? ။ cell တစ်လုံးကို သာမန် AA ဓါတ်ခဲ တစ်လုံးလို့ မြင်ကြည့်နိုင်ပါတယ်။
အဲ့ဒီတော့ 3 cell laptop battery တစ်လုံးမှာဆိုရင် ဓါတ်ခဲ ၃ လုံးကို ပေါင်းပြီးထည့်ထားတယ်လို့ သိနိုင်ပါတယ်။ 4 cell battery တွေ၊ 6 cell battery တွေလည်း ထိုနည်းအတိုင်းပါပဲ။
ကွန်ပျူတာကို ခိုင်းထားတဲ့ အလုပ်တွေက အတူတူပဲဆိုရင်တော့ 4 cell battery က 3 cell battery ထက်ပိုပြီးတော့ အချိန်ပိုပိုအသုံးခံနိုင်ပါတယ်။
WATT HOURS (WHR), MILLIWATT HOUR (MWH) နဲ့ MILLIAMP-HOUR (MAH)
-----------
Watt Hour (wHr), milliwatt hour (mWh) နဲ့ milliamp-hour (mAH) တွေဆိုတာကတော့ ပါဝါအသုံးပြုမှုတွေကို တိုင်းတာတဲ့ ယူနစ်တွေဖြစ်ပါတယ်။ Laptop battery တွေမှာဆိုရင်တော့ battery ရဲ့ စွမ်းဆောင်ရည် (capacity) ကိုတိုင်းတာတဲ့ ယူနစ်ဖြစ်ပါတယ်။ Battery တစ်လုံးမှာ စွမ်းအင်ဘယ်လောက် သိမ်းဆည်းထားနိုင်သလဲ၊ ပြီးတော့ ဘယ်လောက် ပြန်ထုတ်ပေးနိုင်သလဲဆိုတာကို ဖော်ပြတာဖြစ်ပါတယ်။ သတိပြုရမှာတစ်ခုကတော့ ဒီ wHr/mWh/mAH တွေဟာ cell တစ်ခုခြင်းစီ မဟုတ်ပဲ battery တစ်ခုလုံးအတွက်ဖြစ်တယ်ဆိုတာကိုပါ။
ဥပမာ အနေနဲ့ rating 42 wHr ရှိတဲ့ laptop battery တစ်လုံးဟာဆိုရင် တစ်နာရီအတွင်း မှာစွမ်းအင် အများဆုံး 42 watt ကိုထုတ်ပေးနိုင်ပါတယ်။ ပြီးတော့ သူ့မှာ အများဆုံးသိုလှောင်နိုင်တဲ့ ပမာဏကလည်း 42 watt ပဲဖြစ်ပါတယ်။
Laptop battery တွေရဲ့ specs တွေမှာ wHr, mWh နဲ့ mAH စတဲ့ ယူနစ်တွေထဲက တစ်ခုမဟုတ်တစ်ခု နဲ့လာတတ်ပါတယ်။ အဲ့ဒီကောင်တွေကို တစ်ခုနဲ့ တစ်ခုပြောင်းလဲနည်းကို ဖော်ပြပေးလိုက်ပါတယ်။
wHr ကနေ mAH ကိုသွားချင်ရင်တော့ wHr ကို 1000 နဲ့မြှောက်ပြီးတော့ battery ရဲ့ voltage နဲ့စားပါ။
mAH ကနေ wHR ကိုသွားချင်ရင်တော့ mAH ကို voltage နဲ့မြှောက်ပြီးတော့ 1000 နဲ့စားပါ။
နောက်ဆုံး mWH ကနေ wHR ကိုသွားမယ်ဆိုရင်တော့ wHR ကို 1000 နဲ့မြှောက်ရင်ရပါတယ်။ သင့် battery အကြောင်း အသေးစိတ်ကို ကြည့်ရှုနိုင်မယ့် software လေးတစ်ခုကို အောက်က link ကနေ download လုပ်နိုင်ပါတယ်။ Windows OS တွေအတွက်ဖြစ်ပါတယ်။
https://www.softpedia.com/…/System-In…/BatteryInfoView.shtml
မိမိဘယ်လို အသုံးပြုသလဲဆိုတဲ့ အပေါ်မူတည်ပြီးတော့ ကုန်ဆုံးနိုင်တဲ့ power ပမာဏတွေဟာ မတူညီနိုင်ပါဘူး။ သာမန် web browser လေးသုံးလို့ ကုန်ဆုံးတဲ့ power ဟာ game ကစားလို့ကုန်တဲ့ power မတူညီနိုင်ပါဘူး။
60Wနဲ့အထက်: game အကြီးကြီးတွေ ကစားခြင်း
40-60W: game အသေးလေးများကစားခြင်း
30-40W: Video သို့မဟုတ် photo editing လုပ်ခြင်း
20-30W: online ကနေ high definition (HD) video တွေကြည့်ခြင်း
15-20W: application များစွာဖွင့်ထားခြင်း၊ offline နဲ့ပဲ high definition (HD) video တွေကြည့်ခြင်း
10-15W: သာမန်အသုံးပြုမှုများ
8-10W: ဘာမှမလုပ်ပဲ screen ကိုဖွင့်ထားခြင်း
စသည်ဖြင့် ခန့်မှန်းချေ ကုန်နိုင်ပါတယ်။ ခန့်မှန်းချေသာဖြစ်ပါတယ်။
.
laptop battery တွေဘယ်လောက်ကြာကြာအသုံးခံနိုင်မှာလည်း?
--------
ပုံမှန်အားဖြင့် ၂ နှစ်ကနေ ၅နှစ်လောက်ထိ ခံတတ်ကြပါတယ်။ သင့်ရဲ့ အသုံးပြုမှုအပေါ်တွေမှာလည်း မူတည်ပါသေးတယ်။ Battery life အနေနဲ့ ပြောရရင်တော့ ပုံမှန် battery တွေမှာဆိုရင် တော့ ၈ နာရီလောက်ခံတတ်ကြပါတယ်။ ဒါကလည်း laptop အမျိုးအစားပေါ်မှာမူတည်ပါသေးတယ်။ Gaming laptop တွေမှာတော့ battery က အားမသွင်းပဲ အချိန်ကြာကြာ သုံးလိုမရတတ်ပါဘူး။
သင့် laptop battery ကိုအားတစ်ခါသွင့်ပြီးတော့ အချိန်ပိုကြာကြာသုံးလို့ရနိုင်မယ့် နည်းလမ်းလေးတွေကို ပြောပြပေးလိုက်ပါတယ်။ Brightness တွေကို လိုသလောက်ပဲတင်ပါ။ Power saver ကိုအသုံးပြုပါ။ WiFi အသုံးမပြုနေဘူးဆိုရင် airplane mode ကိုဖွင့်ထားပါ။ တစ်ခါတစ်လေမှာ အားပြည့်သွားရင် ဆက်မသွင်းပဲ ဖြုတ်သုံးတာတွေ ပြုလုပ်ပေးပါ။
နောက်ဆုံးအနေနဲ့ အပေါ်မှာရေးသွားတဲ့ powr အသုံးချမှု အချက်အလက်တွေဟာ လုံးဝအတိအကျကြီးမဟုတ်ပါဘူးဆိုတာကို သတိပြုပေးပါ။ ခန့်မှန်းတန်ဖိုးတွေသာဖြစ်ပါတယ်။ ရေးတာကျန်သွားရင်လည်း comment ပေးပေးပါ။ စာလုံးပေါင်းအမှားတွေ typo တွေပါသွားရင် သည်းခံပေးပါ။ ကျေးဇူးတင်ပါတယ်။
By - zer0eXploit

Credit….. Eastern iT and Mobile မှ ကူးယူဖော်ပြလိုက်ပါသည်။

Credit...Original Author

Credit..photo// 

ပြန်လည်ကူးယူဖော်ပြပါသည်
 

Related Posts