Myanmar House Logo

Myanmar House

Real Estate in Myanmar

သေဒဏ်စီရင်သူ၏ တာဝန်များနှင့် အလောင်းထုတ်ယူခွင့်ပြုခြင်း/ မပြုခြင်း ကိစ္စ

July 25, 2022 336 views
သေဒဏ်စီရင်သူ၏ တာဝန်များနှင့် အလောင်းထုတ်ယူခွင့်ပြုခြင်း/ မပြုခြင်း ကိစ္စ

~ကြိုးမပေးမီ ဖော်ပြထားသူ ဟုတ် မဟုတ် စစ်ဆေးခြင်း (အပိုဒ် - ၆၈၅)

တရားခံအား တိုက်မှ ကြိုးစင်ပေါ်သို့ ခေါ်ဆောင်သွားခြင်း မပြုမီ အကျဉ်းသားအား ဝရမ်းတွင် အမည်ပါရှိသူ ဟုတ် မဟုတ်ကို အကျဉ်းထောင် တာဝန်ခံနှင့် ထောင်မှူးကြီးတို့မှ ကြည့်ရှုရမည်။ ထို့နောက် သေဒဏ်ကျခံသူအား ခြေမျက်စိအထိရှည်သော ခြေဝတ်စုံကို ဝတ်ဆင်ပေးပြီး ယင်း၏ လက်များအား ယင်း၏ နောက်ကျော်သို့ လုံခြုံစွာ စွဲမြဲထားလျက်ရှိရမည်။

~သေဒဏ်စီရင်သူ၏ တာဝန်များ (အပိုဒ် - ၆၅၉)

ကြိုးစင်ပေါ်သို့ ရောက်ရှိသည့်အခါ သေဒဏ်စီရင်ရသူ၏ တာဝန်များမှာ အောက်ပါအတိုင်းဖြစ်သည် -

(၁) အကျဉ်းသားအား ကြိုးတပ်ဆင်ထားရှိသည့် ရက်မတန်းအောက် တည့်တည့် ထားရှိရမည်။

(၂) အကျဉ်းသား၏ ခြေတောက်များကို တင်းကျပ်စွာ ပူး၍ ချည်နှောင်ထားရမည်။

(၃) မျက်နှာအားဖုံးအုပ်သော အစပိုပါသည့် ချည်ကတ်ဦးထုတ် (ခေါင်းစွပ်) ဝတ်ပေးရမည်။

(၄) ကြိုးအား လည်ပင်းတွင် တင်းတင်းရင်းရင်းစွပ်၍ ထားပြီး ကြိုးဖြတ်၍ တုံ့ခနဲ့အကျတွင် နားရွက်၏ နောက်မှ ပြေးတက်စေရန် ကြိုးထုံး (သို့) သတ္တုနဖားသည် မေးရိုးအောက်ဘက်ရှေ့တည့်တည့်တွင် ရှိစေရမည်။ သတ္တုနဖားရှိသည့်ဘက်သည် လည်ချောင်းရှေ့တည့်တည့်မှ ဖြတ်သန်းသွားစေရန် ကြိုးကို သေချာစွာ ညှိနှိုင်းချိန်ဆပြီး ဆောင်ရွက်ရန် ဂရုပြုရမည်။

(၅) ဒေါက်မောင်းတံထံသို့ မြန်မြန်သွားပြီး ဒေါက်တံခါးကိုဖွင့်ချရမည်။

.

~ခန္ဓာကိုယ်အား စစ်ဆေးခြင်းနှင့် စွန့်လွှတ်ပေးအပ်ခြင်း (အပိုဒ် - ၆၆၀)

ခန္ဓာကိုယ်အား နာရီဝက် တွဲလောင်းရှိနေစေပြီးနောက် ဆရာဝန်ဖြင့် စစ်ဆေးကြည့်ရှုစေရမည်။ ဆရာဝန်မှ အသက်မရှိတော့ကြောင်းကို ကြေညာသည်အထိ ခန္ဓာကိုယ်အား ဖြုတ်ယူခြင်းမပြုရ။ သေဒဏ်ကြိုးပေးခံရသော ရာဇဝတ်သား၏ ခန္ဓာကိုယ်အား ၎င်း၏ ဆွေမျိုးသားချင်းများ (သို့) မိတ်ဆွေများမှ တောင်းဆိုခြင်း မပြုမှသာ မြုပ်နှံပစ်ရမည်။ ခန္ဓာကိုယ်အား ဆွေမျိုးများ မိတ်ဆွေများမှ တောင်းဆိုလာလျှင် ငြင်းဆိုရန် အထူးအကြောင်းကိစ္စ မရှိလျှင် (အပိုဒ် ၁၀၁-၉-ကြည့်) တံခါးကြီး၏ ပြင်ပသို့သယ်ဆောင်သွားပြီးနောက် ထိုနေရာအား ၎င်းတို့အား ပေးအပ်လိုက်ရမည်။

~သေဆုံးသူ ရုပ်ကလာပ်အား မိတ်ဆွေ (သို့) ဆွေမျိုးများကို ပေးအပ်ခြင်း (အပိုဒ် - ၁၀၁၉)

အကျဉ်းထောင်တွင် သေဆုံးသွားသော (သို့) သေဒဏ် အပေးခံရသော အကျဉ်းသား၏ ရုပ်ကလာပ်ကို ထိုအကျဉ်းသား၏ မိတ်ဆွေများမှ တောင်းဆိုလာလျှင် ပေးအပ်နိုင်သည်။ အထူးဆန့်ကျင်ဘက်အကြောင်း တစ်စုံတစ်ရာနှင့်အကျိုးယုတ်နိုင်သော အကြောင်းများရှိလျှင် မပေးအပ်ရ။

ဥပမာ ။ ။ အကျဉ်းသားသည် ကူးစက်ရောဂါကြောင့် သေဆုံးခြင်း (သို့) အကျဉ်းထောင်တွင်း သေဒဏ်ပေး၍ သေဆုံးသော အကျဉ်းသားဖြစ်လျှင်၊

၎င်း၏ ရုပ်အလောင်းကို သင်္ဂြိုလ်သည့်အခါ ဆန္ဒပြမှုများ ဖြစ်ပေါ်လာနိုင်သည်ဟု မှတ်ယူနိုင်ရန် အကြောင်းရှိသည်ဟု ထင်မြင်လျှင် မပေးအပ်ရ။

(အကျဉ်းထောင်စွဲ မှ ကောက်နုတ်တင်ပြပါသည်။)

နေနည်

ကူယူဖော်ပြပါသည်။

Credit: https://www.facebook.com/contractlawyer88/

Related Posts